Қызылша - инфекциялық деңгейі өте жоғары, қоздырғышы қызылша вирусы болып табылатын жіті жұқпалы вирустық ауру. Ол жоғары температурамен (40,5°C дейін), ауыз қуысының және жоғарғы тыныс жолдарының шырышты қабығының қабынуымен , конъюнктивитпен және терінің макулопапулярлы бөртпелерімен , жалпы интоксикациямен сипатталады.

Қызылша - инфекциялық деңгейі өте жоғары, қоздырғышы қызылша вирусы болып табылатын жіті жұқпалы вирустық ауру. Ол жоғары температурамен (40,5°C дейін), ауыз қуысының және жоғарғы тыныс жолдарының шырышты қабығының қабынуымен , конъюнктивитпен және терінің макулопапулярлы бөртпелерімен , жалпы интоксикациямен сипатталады.

Вакцинация - қызылшаның алдын алудың ең тиімді әдісі. Қазақстанда қызылшаға қарсы жоспарлы вакцинация екі кезеңде жүргізіледі: бірінші вакцинация балаларға 1 жаста (12-15 ай), екіншісі – 6 жаста жасалады, бұл вакцинациядан кейінгі иммунитетті дамытуға мүмкіндік береді.

Қазақстанда қызылшаға, қызамыққа және паротитке қарсы аралас вакцина қолданылады. Бұл ДДҰ сертификатын алған және Қазақстанда тіркелген Үнді препараты.

   "Бұл тірі әлсіретілген вакцина. Вакцинаның бұл түрі өте тиімді және жұқпалы аурулардың алдын алу үшін қолданылады. Оның құрамында тірі вирустың әлсіреген немесе өзгертілген нұсқасы бар, сондықтан патоген ауру тудыруы мүмкін емес, сонымен бірге күшті иммундық жауап береді".

Вакцинацияға белгілі бір қарсы көрсеткіштер бар. Бұл вакцина компоненттеріне жоғары сезімталдық, суық тию, әйелдін жүкті болса немесе лактация кезі, жедел жұқпалы аурулар. Сонымен қатар, қатар жүретін аурулар: лейкемия, анемия және басқа да ауыр қан аурулары, бүйрек функциясының бұзылуы, жүрек аурулары, қатерлі ісіктер.

Кейбір қарсы көрсеткіштер уақытша болып табылады, сондықтан вакцинацияны кейінірек дененің жалпы жағдайы жақсарған кезде алуға болады.

Егер сізде мидициналық шегеру болса, онда адамдар көп жиналатын жерлерден және қызылша белгілері бар адамдармен байланыста болған дұрыс емес. Бөлмені үнемі желдетіп, қол гигиенасын сақтаңыз. Егер кенеттен қандай да бір белгілер пайда болса, онда оқшауланыңыз және дәрігермен байланыста болыңыз. Ешбір жағдайда өздігінен емделуге болмайды!

Аурудың өзі өлімге дейін ауыр асқынулар тудыруы мүмкін. Биыл Қазақстанда мұндай жағдайлар болған жоқ, алайда 2019 жылы мұндай фактілер балалар арасында да болды.

Көбінесе асқынулар 5 жасқа дейінгі балаларда және 30 жастан асқан ересектерде пайда болады. Бұл соқырлық, энцефалит, мидың ісінуіне және церебральды асқынулардың дамуына әкелетін инфекция. Сондай-ақ, қызылша ауыр диарея мен дегидратацияға, тыныс алудың ауыр проблемаларына, соның ішінде пневмонияға әкелуі мүмкін. Бұл ауру жүкті әйелдер үшін де қауіпті және салмағы аз шала туылған нәрестенің туылуына әкелуі мүмкін.

Қызылша қазірдің өзінде елдің барлық аймақтарына әсер етті. Денсаулық сақтау министрлігінің мәліметінше, Шымкент, Алматы және Жамбыл облыстарында жұқтырғандардың ең көп саны бар.

Ақмола облысында санитарлық дәрігерлер қызылшамен ауырғандар санының өсуіне алаңдайды, бұл әсіресе соңғы уақытта байқалады.

 Қазақстанда 6 қарашасынан  жұқтырғандар санының артуына байланысты қосымша жаппай иммундау басталды. Қазір 6 айдан 11 айға дейінгі балалар вакцинациялануда, желтоқсаннан бастап 2 жастан 5 жасқа дейінгі балалар вакцина ала алады.

Қосымша иммундау басталғаннан бері 25 мың адам қызылшаға қарсы вакцина алды және күн сайын бұл көрсеткіш өсуде.